Fin de semana intensa en Tordesillas, onde tivo lugar o clásico Máster de Xóvenes Sub-15 e Sub-19. Os resultados non tardaron en chegar para os xogadores galegos, que volveron con numerosas medallas deste prestixioso torneo. 🏸🏆🔥
Na modalidade Sub-15, Carlota Balboa e Alexia Pérez acadaron un meritorio bronce en dobres femininos, sumando unha nova medalla para Galicia. 🥉👏
Na categoría Sub-19, o podio de individual masculino estivo dominado polos galegos. Adrián Rodríguez fíxose coa prata 🥈, mentres que Iker Rodríguez e Pablo Alfaya compartiron o peldaño de semifinalistas, logrando cadansúa medalla de bronce. 🥉🥉💪
No individual feminino, Carmen Carro e Sara del Castillo tamén subiron ao podio, acadando dous bronces que engrosaban o medalleiro galego. 🏅✨
En dobres masculino, Iker Rodríguez e Pablo Alfaya sumaron unha nova medalla de bronce 🥉, confirmando o gran nivel do bádminton galego nesta categoría. 💪🏸
O gran momento da xornada chegou da man das coruñesas Inés Poncela e Sara del Castillo, que se proclamaron campioas do Máster en dobres femininos 🥇🏆 tras vencer na final á tamén galega Carmen Carro, que xogaba en parella con Laura Garijo. Unha final con gran sabor galego! 🔥🎉
Desde a Federación Galega de Bádminton queremos felicitar a todos os xogadores galegos polo seu esforzo, compromiso e extraordinario rendemento. O traballo de toda a familia do bádminton galego segue dando os seus froitos! 💙💪🏸
Comments